Grupimi Informal “Busulla e Trashëgimisë” ka ndërmarrë nismën, “Qyteti që rrëfen” dhe synon të mbledhi rrëfenjat e pinjollëve të familjeve që ndikuan në historinë e qytetit të Durrësit.
Bashkohuni me ne në Amfiteatrin e Durrësit me datë 7 qershor, e martë, në orën 18:00, për ta nisur me rrëfimin e Redi Myshketës, përfaqësues i një prej familjeve me ndikim dhe kontribut prej dekadash në zhvillimin e qytetit, Familja Myshketa.
Duke vijuar më tej me Dr. Artan Kacani, planifikues territori dhe studiues i historisë urbane të Durrësit. Ai do të shpjegojë për shpërndarjen e familjeve të vjetra në territorin e qytetit.
Gjithashtu Dr. Dorina Xheraj-Subashi, eksperte e trashëgimisë kulturore do të shpjegojë për raportin e memories kolektive të familjeve të vjetra me të rinjtë.
Mos e humbisni takimin publik të organizuar në kuadër të “Javës së Demokracisë Vendore 2022”, për të ndarë informacione dhe qasje mbi procesin e dokumentimit të historive të familjeve të vjetra dhe ndikimit që ato kanë pasur në qytetin e Durrësit.
Ky aktivitet po zhvillohet në bashkëpunim edhe me Qendra Muzeore Durrës.
Një grup të rinjsh të apasionuar pas trashëgimisë kulturore dhe historisë së Durrësit, në bashkëpunim me ekipin e Medias Amfora , do të dokumentojnë historitë përmes mbështetjes nga Lëviz Albania, një projekt i Agjencisë Zvicerane për Zhvillim dhe Bashkëpunim, SDC.
This platform is built by Durres Active Center in the framework of the “Earthquake Social Protection Response” (ESPR), a UNDP implemented Project and funded by Government of United Kingdom, Government of Finland & Government of Norway. The project supports the Albanian Government and three earthquake impacted municipalities, in designing and translating the policy intent into proper local actions to ensure that men, women, girls and boys living in poverty, or vulnerable situations, intersecting with post-earthquake conditions, have access to integrated, quality social services.
