PËRSHKRIMI:Street Art & Aktivizëm ka realizuar muralen JamVullnetar në pallatin e ringritur nga tërmeti në bulevardin “Dyrrah”. Muralja simbolizon vullnetarizmin, bashkimin dhe rimëkëmbjen e komunitetit përgjatë dhe pas fatkeqësisë së tërmetit të 26 Nëntorit. Muralja është frymëzuar nga logo e platformës e dizenjuar nga Asdren Cakiqi dhe u ideua dhe konceptua nga artisti Lysien Koci, në efektin 3D të instaluar në pallat.
Kjo murale u mbështet nga Qendra Durrësi Aktiv, në kuadër të mbështetjes nga programi “Reagimi për Mbrojtjen Sociale pas Tërmetit” (ESPR), një projekt i zbatuar nga UNDP Albania dhe financuar nga Qeveria e Mbretërisë së Bashkuar, Qeveria e Finlandës dhe Qeveria e Norvegjisë.